Normas de publicación de artigos no blog colaborativo de 4º ESO
1. Respecto e convivencia dixital
Todas as publicacións deben empregar unha linguaxe respectuosa e adecuada ao ámbito educativo.
Non se permitirán insultos, burlas, discriminacións nin comentarios ofensivos cara a compañeiros/as, profesorado ou outras persoas.
Debe practicarse a empatía: antes de publicar, pensa como pode sentirse quen lea o contido.
Respectarase a diversidade de opinións, culturas, identidades e experiencias.
2. Contido das publicacións
Os artigos deberán estar relacionados co tema proposto na aula ou cos intereses educativos do grupo.
O contido debe ser claro, coherente e redactado con corrección ortográfica e gramatical.
Recoméndase revisar o texto antes de publicalo.
Non se publicará información privada propia nin allea (teléfonos, enderezos, contrasinais, fotografías sen permiso, etc.).
3. Uso responsable das ferramentas dixitais
As ferramentas dixitais e a intelixencia artificial poden empregarse como apoio para investigar, organizar ideas ou mellorar a redacción, pero nunca para copiar traballos completos.
O alumnado debe revisar sempre a información xerada por ferramentas dixitais para comprobar que é correcta e adecuada.
Non se permitirá o plaxio nin a copia de contidos doutros autores/as sen recoñecemento.
As imaxes, vídeos ou recursos multimedia utilizados deben ser libres de uso ou contar coa autorización correspondente.
4. Citas e fontes de autoridade
Toda información obtida doutras páxinas, libros, artigos ou vídeos debe citarse correctamente.
Priorizaranse fontes fiables e de autoridade, como:
institucións educativas,
universidades,
organismos oficiais,
medios de comunicación contrastados,
revistas ou publicacións especializadas.
Debe indicarse a procedencia da información mediante ligazóns, bibliografía ou referencias ao final do artigo.
Non se empregarán fontes anónimas, pouco fiables ou que difundan información falsa.
5. Comentarios e interacción
Os comentarios no blog deben contribuír ao diálogo e ao aprendizaxe compartido.
As críticas deben expresarse con educación e de maneira construtiva.
Non se responderá con faltas de respecto nin se alimentarán discusións ofensivas.
O profesorado poderá moderar ou eliminar comentarios que incumpran estas normas.
6. Responsabilidade e autoría
Cada alumno/a é responsable do contido que publica.
Os artigos deberán estar asinados co nome ou identificación acordada polo grupo.
Publicar no blog implica aceptar estas normas e colaborar nun espazo seguro, educativo e respectuoso para toda a comunidade.
