O Entroido na Coruña, Óscar Juanatey Orol (2º ESO B)

Entroido da Coruña de RemoeaLinguaLinguaGa

O Entroido dos Boteiros de Viana do Bolo e Vilariño de Conso

Nesta exposición de Alma Quing Ramas Corrales e Daniel Varela Cacharrón de 2º B aprendemos que os Boteiros son as personaxes máis famosas do Entroido destas dúas vilas ourensás.

Entroido Boteiro de RemoeaLinguaLinguaGa

O Entroido de Laza

Os alumnos María Grela Amor de 2º B e Ángel Lorenzo Castañeda de 2º E elaboraron estas presentacións sobre o Entroido de Laza e puidemos coñecer algo máis da historia dos peliqueiros e outras personaxes que percorren as rúas de Laza nestas datas e os seus doces máis típicos.

 

Os peliqueiros de Laza de RemoeaLinguaLinguaGa

O Entroido de Laza de RemoeaLinguaLinguaGa

O Entroido en Manzaneda

A presentación de Mario Rojo Varela e Martín Rivera Vázquez de 2º B achegounos ao Entroido de Manzaneda e puidemos coñecer as súas Mázcaras, o desenvolvemento do folión e o calendario destas datas nese concello.

O Entroido en Manzaneda de RemoeaLinguaLinguaGa

Cartas de inverno de Agustín Fernández Paz

Ana Mondelo Pena de 2º B preparou esta presentación sobre unha das obras de lectura obrigatoria de 2º da ESO, Cartas de inverno do escritor Agustín Fernández Paz. A continuación podedes ler algunhas das análises do alumnado sobre a comparación desta novela con outras obras ou películas coñecidas e as opinións persoais máis elaboradas nos traballos sobre o libro.

 

Eu compararía este libro coa serie Stranger Things xa que o tema é moi parecido; na serie uns amigos abren sen querer un portal que deixa pasar a un monstro ao noso mundo, despois narra as aventuras deles e de como un queda atrapado no mundo do monstro e de como o sacan, como acaban con esta criatura e como pechan o portal para que non volva a ocorrer.

No libro, Teresa ten que acabar coa comunicación entre o monstro e o noso mundo para que non volva ocorrer, polo que queima o libro que contiña os gravados, e non sabemos se Adrián e Xabier morreran, xa que co incendio non se atoparon cadáveres e non podemos saber se faleceron ou o monstro os levou ao seu mundo.

María Hilario Gestal (2º E)

Eu creo que a historia ten bastante relación con outras obras de Agustín Fernández Paz, e non porque as escribira el, que tamén, senón porque a narración é bastante similar: a historia comeza e remata cun narrador omnisciente(personaxe externo á obra que conta os sucesos en terceira persoa do singular), tendo por medio varios tipos de fontes de información como a primeira persoa (Tareixa despois de ler as cartas) ou cos textos do paquete de Xabier ou os das propias cartas. Tamén ten certa relación con algunhas das novelas de Edgar Allan Poe, refírome á forma de contar os sucesos da parte da novela que son de terror, ou tamén incluso coma Howard Phillips Lovecraft (menciónao) ao contar os sucesos de ficción. E como bo galego que é Agustín, relaciona a historia con vilas galegas (Viveiro), cidades (Vigo), arquitectura románica (O Castelo de Andrade) e con mitos galegos (A Santa Compaña). Fai unha lixeira referencia á Prehistoria mencionando os petróglifos, simboloxía dos humanos na época do Neolítico. Se teño que relacionar esta obra con outras, relacionaríaa polo tema coa obra de Stephen King, O resplandor, xa que se desenvolve nunha casa encantada e no Inverno, ou con Drácula de Bram Stoker, pola narración en cartas e diarios.

Este libro gustoume bastante, e de momento é o meu favorito deste autor, aínda que sen ter lido a maioría dos seus mellores libros. A historia produciume unha inmensa intriga e non podía parar de lelo, tiña que saber que era o que pasaba ao remate, porqué a nena do gravado movíase e chegaba a desaparecer, que faría Adrián ou como chegaban esas mensaxes misteriosas, por citar algúns exemplos. É un moi bo libro na miña opinión porque o lector séntese atrapado no argumento e non pode deixar de lelo ate o final, polo que me parece un libro altamente recomendable para a mocidade dunha idade similar á miña. xa que non é necesario ter lido novelas de intriga, policíacas, de misterio ou de terror para sentirte atraído por esta apaixonante historia.

Óscar Juanatey Orol (2º B)

Pareceume un libro diferente, engaiolante e misterioso. Nunca lera libros deste autor pero despois de ler este libro gustáriame ler Aire Negro ou O meu nome é Skywalker.

Cartas de Inverno é unha historia de misterio e terror sobre dous amigos que se teñen que enfrontar a un ser inimaxinable para nós. A parte do libro que máis me gustou foi cando Tareixa queima o libro e libera a humanidade dun perigo terrórifico e perigoso, que por desgraza acabou coa vida dos nosos protagonistas.

O comezo do libro empezou sendo moi interesante, debido á misteriosa carta que Tareixa recibira de parte do seu irmán, el díxolle que non abrira ese misterioso sobre pequeno, pero ela non se resistiu e comezou a ler o que lle estaba sucedendo a Adrián antes da chegada de Xavier. Ao principio todo é moi confuso porque Adrián fala nas cartas e despois Xavier pero despois daste conta de que as cartas están contando a engaiolante historia que me tivo horas lendo. De aí vén o nome do libro, Cartas de Inverno, xa que a historia sucede no Inverno.

Antía Conde Ferreiro (2º B)

Recordoume a este libro de Scarlett Thomas porque en El valle del Dragón unha nena chamada Effie sufre a desaparición da súa nai e polo tanto tense que quedar co seu avó polas tardes, pero nun momento da historia o avó sabe que el tamén está en perigo e mandoulle á nena que coidase de todos os seus libros, especialmente dun, El valle del Dragón.

Lembroume tamén a estoutro libro, supoño que sería polo trama familiar e os problemas que intentan solucionar en familia. As Lágrimas de Shiva e este libro de Fernández Paz son curtos e fáciles de ler polo que gustáronme moito.

Paréceme un libro que merece a pena ler pois é moi entretido; en ningún momento chega a facerse aburrido ou pesado. Eu lin o libro en voz alta un día pola noite e agora o meu irmán pequeno estao a ler. Con isto quero dicir que é moi interesante.

Noa Sande Trillo (2º B)

Cartas de inverno de Agustín Fernández Paz de RemoeaLinguaLinguaGa

O Entroido de Viana do Bolo

María Rioboo Vidal, alumna de 2º E da ESO elaborou e expuxo oralmente esta interesante presentación sobre o Entroido de Viana do Bolo e grazas ao seu traballo puidemos coñecer as máscaras do Boteiro, a tradición dos folións que percorren a vila nestas datas, a festa da androlla e desfrutar coas coloridas imaxes dos traxes e costumes da personaxe máis importante nesta vila da comarca de Valdeorras.

 

O Entroido de Viana do Bolo de RemoeaLinguaLinguaGa

O Entroido en Xinzo da Limia

Grazas a Antía Conde Ferreiro e a Noa Sande Trillo de 2º B puidemos aprender moito máis sobre o Entroido de Xinzo da Limia e do seu interesante calendario festeiro destas datas. Antía trouxo o seu traxe de Pantalla vimos o vistoso do traxe coa súa máscara e a capa coas fitas de cores.

 

Entroido de Xinzo da Limia from RemoeaLinguaLinguaGa

Mudando o final do conto de Carapuchiña, Gabriela Iglesias Carreira (1º C ESO)

Cando Carapuchiña Vermella entrou na casa da súa avoa encontrouse co lobo feroz tumbado no sofá. Ela tivo medo de que lle fixera dano, pero nese momento a súa avoa entrou con dúas cuncas de café e díxolle que ía casar co lobo e que estaba namorada.

Dous meses depois, a súa avoa estaba vestida de noiva e Carapuchiña e mais a súa nai acompañábana ao altar e viviron felices para sempre.

Fonte da imaxe

De catro a catro de Manuel Antonio

Agora que nas aulas de 4º xa ides coñecendo algo máis a obra do poeta rianxeiro Manuel Antonio, tedes aquí esta versión dixital do poemario De catro a catro para poderdes lelo e analizar cada poema coas explicacións dos profesores Anxo González Guerra e Vitoria Ogando Valcárcel. 

Revisade os poemas e as vosas notas dos comentarios iniciais do poema "Sós" e escollede un deles para entregar o comentario literario antes do venres 14 de febreiro. Déixovos tamén por aquí algunhas versións musicadas do poema:

Versión de Aerials, grupo de mozos do IES Sánchez Cantón de Pontevedra.

Versión en Black Metal de Datura Stramonium

E o recitado do poema do alumnado de galego do IES Cañada Blanch de Londres e estoutro do escritor Víctor Freixanes.

O marcapáxinas é unha creación de Ultramarinos Deseño.