Ao longo da historia, houbo moitos oficios tradicionais, algúns xa non
teñen apenas presenza hoxe en día, pero outros aínda perduran. Eu
vou destacar tres deles.
Os canteiros: eran e aínda son, artesáns que extraían a pedra da
canteiras, e labrábana facendo dende bloques para edificios ata
cruceiros, adornos arquitectónicos, estatuas, etc... Trátase de homes
con moito prestixio social e que gañaban moito diñeiro.
Os
instrumentos utilizados ían dende compases e escuadras a cuñas,
mazos, picos, martelos, serras tronzadoras, cinceis, cepillos, etc...
Os alfareiros: as súas orixes son moi antigas, adicábanse nos seus
talleres, a moldear o barro e arxila para facer cerámica, tanto de
diario como poden ser olas, pratos, cuncas, xerras, etc... ata cousas
máis decorativas coma xarróns, bandexas decorativas, figuras, etc...
En ocasións tamén facían ladrillos, tellas, cañarías e moldes para
sacar copias exactas doutras cousas.
Maiormente era un oficio de
homes, pero tamén habían algunhas mulleres que se adicaban a isto.
Estaban ben vistos socialmente e gañaban bastante diñeiro xa que
sempre tiñan traballo.
Os instrumentos utilizados eran e son o torno
e a roda, arame ou sedal para cortar o barro, fornos para cocer as
pezas, esponxas para mollar e para decorar pinceis, etc...
As redeiras: tamén é un oficio bastante antigo que perdura hoxe en
día, xa que é fundamental para tecer e reparar as redes dos
mariñeiros.
É un oficio feito maiormente por mulleres, antes facíano
nos portos á intemperie, pero hoxe en día teñen locais nos portos
para poder traballar mellor e non pasar frío. A pesar de ser un oficio
moi necesario, e que requiría unha alta cualificación antes non tiña
ningún prestixio social e gañaban moi pouco diñeiro. Os instrumento
utilizados eran e son navalla, martelo, agulla ou lanzadeira, fío,
flotadores e chumbos.
Ningún comentario:
Publicar un comentario