domingo, 22 de maio de 2022

A praia dos afogados de Domingo Villar, recensión de Javier Lafuente Maceiras (1º Bach B)

Este libro está redactado polo galego Domingo Villar. Este famoso escritor naceu no ano 1971 nunha vila de Vigo, e dende moi pequeno comezou a interesarse pola escritura e por outras disciplinas relacionadas co xornalismo ou artes visuais.

A súa gran primeira obra foi Ollos de auga, un libro que no seu momento tivo un gran éxito a nivel nacional e recibiu diversos premios. Durante toda a súa carreira, tivo obras traducidas a máis de dez idiomas, e ademais ten varios libros que tratan sobre un mesmo protagonista, o inspector Leo Caldas.

Esta obra vai tratar principalmente a investigación por parte do inspector Leo Caldas dun mariñeiro que aparece morto nunha praia de Vigo. Para este labor, vai a contar coa axuda de Rafael Estévez.

O curioso desta morte é a forma na que se atopa o cadáver, xa que ten unhas bridas de plástico nos brazos e pernas, e polo tanto non é unha morte típica dun naufraxio. Todo isto vai a levar a distintas hipóteses ou xiros na trama durante o desenvolvemento da historia, pasando por ideas que o xustifican como un suicidio, ata outras probas que indican un posible asasinato.

Ademais, cóntanse distintas historias mariñeiras relacionadas con naufraxios e mortes, e unha das máis importantes vai a ser a historia do Capitán Sousa e o seu naufraxio tempo atrás.

Paralelamente a esta investigación, o inspector Leo Caldas vai ter dous problemas, por un lado superar e tratar coa enfermidade ou morte do seu tío, e por outro vai intentar falar de novo coa su ex moza Alba para conseguir superar esa mala situación a nivel persoal.

Unha das mellores cousas que ten este libro é a variedade de temas que trata e os distintos enfoques que estes reciben dende a visión de Leo Caldas. O principal tema como é lóxico vai ser a morte do mariñeiro e a súa investigación xunto coas distintas historias pesqueiras, pero tamén hai momentos onde se expresa dor por culpa dos problemas familiares, e momentos de reencontro amoroso xunto con moitos sentimentos atopados.

Sen dúbida, eu recomendo este libro a todos os amantes das novelas negras, xa que penso que a forma na que se trata e narra a investigación da morte converte o libro nunha lectura moi agradable pola forma que teñen de investigar os protagonistas.

Outra cousa clave da narración na miña opinión é a intención por parte do escritor de mesturar temáticas ou introducir pequenas historias e tramas dentro do argumento principal, xa que achegan un toque especial e distintivo a esta novela.


Ningún comentario:

Publicar un comentario

VÍDEO LETICIA EIRÍN NA CAMPAÑA AQUÍ TAMÉN SE FALA GALEGO

Velaquí tedes o vídeo de Leticia Eirín , profesora de Literatura na UDC e ex alumna do IES Monte das Moas que se suma á campaña de Aquí tamé...