mércores, 25 de marzo de 2020

O feminismo, Noa Lorenzo Ferreira (4 ESO B)


O feminismo é un movemento que leva en auxe moitos anos e cada vez a xente interésase máis por este tema. Céntrase na defensa dos dereitos das mulleres e na búsqueda da igualdade entre mulleres e homes. Grazas ao feminismo, hoxe en día pódese ver que a situación das mulleres mellorou respecto a anos pasados.

A pesar diso, aínda existe unha superioridade, sen sentido, do home sobre a muller nalgúns casos; como, por exemplo, que o salario dun home sexa maior ca o dunha muller e realizando o mesmo posto de traballo; ou en casos máis cotiáns, coma as discriminacións que sofren as mulleres que non seguen os regulamentos de beleza impostos pola sociedade. Vexo importante nomear tamén os numerosos casos de violacións ou de violncia de xénero (que pode levar a maltrato físico, psicolóxico e incluso á morte); neste ano 40 mulleres foron asasinadas por violencia de xénero.

A muller non é un obxecto, non é un útil capaz de producir pracer, non é unha figura que se atope detrás do home; totalmente o contrario, sen as mulleres nunca existiría a historia nin a literatura tal como a coñecemos agora; xa para comezar, a muller era o cento de inspiración da maioría dos poetas.

No século pasado as mulleres comezaron movementos de reivindicación (manifestacións,etc) nos cales se esixía a igualdade de dereitos entre os sexos e foi demostrado que elas soas non son capaces de conseguir a igualdade, senón a diversidade.

Hoxe en día todos somos iguais; as mulleres poden facer miles de cousas que moitos homes non serían capaces e penso que é necesario deixar de lado ese sentimento de inferioridade por ser muller e ese de superioridade por ser home.
Ninguén elixe quen quere ser cando nace e penso que xa que todos nacemos nas mesmas condicións, estudamos baixo os mesmos regulamentos e nos rexemos baixo as mesmas normas, todos debemos ser tratados da mesma maneira.

Por iso, tanto homes como mulleres temos que concienciarnos do machismo que se pode aprezar hoxe en día para acabar con el totalmente e conseguir a igualdade entre todos; aínda que é un pouco difícil na sociedade actual e queda aínda un longo camiño para lograla.



Ningún comentario:

Publicar un comentario

VÍDEO LETICIA EIRÍN NA CAMPAÑA AQUÍ TAMÉN SE FALA GALEGO

Velaquí tedes o vídeo de Leticia Eirín , profesora de Literatura na UDC e ex alumna do IES Monte das Moas que se suma á campaña de Aquí tamé...