mércores, 25 de marzo de 2020

Os xogos olímpicos, no ano 2021, Noa Domínguez Rodríguez (4º ESO C)


Os xogos da XXXII Olimpíada, que estaba previsto celebrar entre os meses de xullo e agosto deste ano, terán lugar o ano que vén (2021). 
Aínda que o acordo para a suspensión dos xogos chegou hai uns días por boca do primeiro ministro xaponés, Shinzo Abe, e de Thomas Bach, presidente do Comité Olímpico, esta medida xa estaba bastante cantada porque dous comités nacionais, como son o canadense e o de Estados Unidos, ían renunciar participar nos Xogos Olímpicos. O certo era que manter a ilusión de que o acontecemento se puidese celebrar, era moi difícil, mais finalmente, por culpa das circunstancias, non se poderá levar a cabo.
O traslado dos Xogos Olímpicos é un feito inaudito na historia do olimpismo e tamén representa, en palabras de Thomas Bach, un canto á esperanza “para celebrar que a humanidade superou esta crise nunca vista antes”. O feito de que se manteña o concepto e a idea de Tokyo 2020 é tamén unha maneira de dicirlle a todo o mundo que só se trata dunha decisión temporal, que é durísima, tanto para os deportistas como para o afeccionados. Mais primeiro de todo, a saúde vai por diante e o deporte pode esperar.
Na miña opinión, que se apracen os Xogos Olímpicos non é unha decisión que me entusiasme, pero como non sabemos canto tempo estaremos combatendo o virus, paréceme unha idea intelixente e previsora.

Ningún comentario:

Publicar un comentario

VÍDEO LETICIA EIRÍN NA CAMPAÑA AQUÍ TAMÉN SE FALA GALEGO

Velaquí tedes o vídeo de Leticia Eirín , profesora de Literatura na UDC e ex alumna do IES Monte das Moas que se suma á campaña de Aquí tamé...