Estamos
cargándonos o planeta. Van pasando os anos e aínda hai xente que
nega esta evidencia. Queremos facer ver que si, que o comprendemos e
que imos tomar medidas creando unha lista de obxectivos a longo
prazo; pero cando chega o momento da verdade ninguén fai nada. Non
se trata de mostrar o concienciados que estamos e tomar acción
dentro dun tempo, senón de ter claro cal é o problema e actuar
agora. Doutro modo chegará o día e xa non poderemos facer nada para
remedialo. Ademais non se pide realizar algo doutro mundo, só
cambiar algunhas malas rutinas do día a día. Se todos puxésemos o
noso gran de area o traballo estaría feito.
A
nosa sociedade ten que deixar de mirar polo ben individual e a
influencia consumista do capitalismo. Porque a solución ao cambio
climático non é o simple feito de reciclar, esa é unha moi pequena
parte. O maior problema vén por parte das industrias, os procesos de
produción, o transporte a nivel global...
Por
todo isto, quizais deberiamos pensar mellor se compramos esa nova
camisa que saíu hai 5 días ao mercado, se mercamos numerosos
produtos envoltos en plástico, ou se imos coller o coche para ir á
praia que está ao lado da nosa casa, porque todas as nosas accións
contan.
Ariadna
Alcalde Mahía 4ºB
Ningún comentario:
Publicar un comentario