Os
touros, tema de actualidade no noso país dende tempos inmemoriais e
que parece nunca darse por concluído. Persoas que aínda ven o feito de
cravarlle unha banderilla a un animal e chamarlle arte ou pensar que
estes seres vivos non sofren, son só algunhas das afirmacións que
hai que escoitar día a día.
Ultimamente
o número de festexos taurinos levados a cabo en España descendeu,
pero e que non só debería descender, senón erradicarse por
completo e dunha maneira irreversible. Mitos como: se os touros non
son utilizados para o “espectáculo” (tratando xa ás corridas de
touros como método de entretemento), a especie extinguirase; ou,
estes animais son naturalmente agresivos, a tauromaquia non recibe
subvencións, etc, parecen pasar inadvertidos polo Goberno e as
diferentes Comunidades Autónomas que seguen sen poñer un punto e
final a esta “tradición”. Pesan máis os cartos e a preguiza dos
políticos que a vida destes animais.
No
Estado español hai excepcións nalgúns territorios, como as Illas
Canarias, onde estas corridas non están permitidas, ou cidades como
A Coruña, Vitoria e Cáceres, onde non hai feiras taurinas debido á
retirada das subvencións municipais.
Para
finalizar, gustaríame reafirmar o importante que é a loita contra a
tauromaquia e ter en conta sempre os numerosos animais que tamén
sofren e morren noutros ámbitos de explotación.
Ningún comentario:
Publicar un comentario