xoves, 26 de marzo de 2020

A meiga e a súa creación, Sofía Calderón Iglesias (1º ESO C)


Debuxo de Sofía Calderón Iglesias
Había unha vez, nunha aldea moi afastada, situada nas montañas máis silenciosas do mundo, unha meiga moi malvada.

Esta meiga vivía alí desde había anos, nun castelo moi antigo. Ela nunca lle fixera dano a ninguén ata aqueles momentos. Na aldea só se oían os paxaros cantar e a auga baixar do río. Os seus habitantes nunca corrían e tampouco berraban por nada. 

Mais un día, en pleno agosto, a meiga abriu a porta do seu castelo e deixou ver ao resto da poboación a súa creación máis grande. Nese momento un xigante con oito brazos e catro patas saíu lentamente do castelo. 

De súpeto, o xigante chamado Pedro, empezou a destruír todo o que se lle aveciñaba por diante. Os veciños, moi asustados, berraron e correron por primeira vez ata as súas pequenas casas para poñerse a salvo. A meiga, moi satisfeita da súa nova creación, pasaba o día mirando como a aldea se ías destruíndo. 

Ao cabo duns minutos, os cidadáns cansáronse e con forza e vontade puideron derrotar o xigante. Da meiga encargouse a policía, xa que a encerraron no cárcere polo resto da súa vida. 

Desde entón a vida alí volveu ser como antes, pero hai xente que di que Pedro, resucitou aos poucos días de ser enterrado e aínda anda polos arredores da aldea...




Ningún comentario:

Publicar un comentario

VÍDEO LETICIA EIRÍN NA CAMPAÑA AQUÍ TAMÉN SE FALA GALEGO

Velaquí tedes o vídeo de Leticia Eirín , profesora de Literatura na UDC e ex alumna do IES Monte das Moas que se suma á campaña de Aquí tamé...