A súa propia definición dános a entender que a publicidade intenta controlarnos. A maioría das veces non o percibimos xa que isto é algo que se estuda, é dicir, analízannos. A publicidade dinos que o noso coche non serve, que está pasado de moda, que a nosa roupa é anticuada, que o teléfono móbil que temos é moi vello... de modo que nos crean a sensación de que necesitamos un determinado produto, aínda que ao mellor nuns momentos antes nin coñeciamos a súa existencia.
Os anuncios ás veces aparecen en sitios onde non imaxinariamos que poderían estar, por exemplo, na escola: en marcas de cadernos, estoxos, ordenadores… ou cando imos ao oculista, ao supermercado, centro comercial… mais onde os vemos con máis claridade é cando miramos algo nunha páxina web é despois nos aparece publicidade sobre iso en internet ou nas redes sociais. En poucas palabras saben o que queremos cando o queremos, outro sitio onde se ve con claridade é na publicidade televisiva pero á mesma vez é a que máis nos engana, xa que está chea de Photoshop, slogans, música e imaxes… porén, a gran pregunta agora é: se a maioría da xente se dá conta desta estafa... por que o seguen permitindo? A resposta é breve e sinxela: débese ao diñeiro, estas son empresas que manexan presupostos enormes e por iso as administracións as apoian e as promocionan, polo que estamos condenadas a ela.
O único que podemos facer é non fiarnos de todo o que vemos na publicidade directa, xa que a maioría dela, por non dicir toda, está manipulada, e aínda que moitas veces non podemos evitar caer nela, xa que está creada para iso e a sociedade quere que sexa así, polo menos debemos ser conscientes disto e informarnos sobre o que temos preto e investigar, non quedarnos co primeiro que vexamos.
Ningún comentario:
Publicar un comentario