Coñecerse a un mesmo é o primeiro. Aínda que quen máis te coñeza sexa teu pai ou un amigo. Interpretamos a nosa realidade en base a como somos e ás vivencias que temos. Para percibir a realidade dun xeito máis optimista, observar as emocións é coma unha chave. Sentir libéranos, vólvenos humanos, conéctanos cos demais e con nós mesmos. Por outra parte, a sociedade non nos ensina a lidar coas emocións negativas. Podemos ter medo a sentir, porque nos podemos sentir incómodos ou vulnerables. Tampouco nos volvemos parvos ou irracionais, agás nos momentos nos que nos deixamos levar pola intensidade, entón pode ser prexudicial para a nosa saúde mental e emocional.
En definitiva, claramente é mellor promover a alegría, o amor ou a tranquilidade, mais é importante ter en conta a frustración, a incerteza ou a angustia e aprender a batallar con estas emocións. Está ben non sentirse ben todo o tempo e permitirnos sentir as cousas. Non obstante, o mellor que podemos facer é abordar as emocións dun xeito intelixente, para non reprimilas pero controlalas.
Ningún comentario:
Publicar un comentario