Pena de morte? Laura Neira Moroño (1º Bacharelato C)

A pena de morte é unha condena que, nalgúns países, se impón como castigo por cometer algúns crimes ou delitos de moita gravidade, aos que se lles chama delitos capitais, como por matar a alguén, por iso tamén é coñecida como a pena capital. Segundo uns estudos, no ano 2003 foron executadas polo menos 1.146 persoas en 28 países. A maioría desas mortes ocorreron en China, Estados Unidos e Irán. Hoxe en día haI moitas organizacións que loitan para conseguir abolir a pena de morte en todo o mundo. 

Eu estou en contra da pena de morte, creo que se debería eliminar en todos os países do mundo, xa que viola o dereito humano máis fundamental, que é o dereito á vida. Eu penso que non ten sentido castigar a unha persoa que matou a alguén, utilizando o mesmo que fixo ela para estar condenada, como castigo. Ademais, sempre cabe a posibilidade de que á que están condenando sexa inocente e unha persoa inocente pode ser liberada do cárcere, pero non poden devolverlle a vida e reverter a pena de morte; é máis, incluso se demostrou con moitos estudos que a pena de morte non axuda a eliminar a delincuencia. 

En resumo, este castigo que acaba coa vida do/a acusado é unha sanción que non ten moito sentido, xa que viola o dereito máis fundamental, que é o da vida, e non recolle as posibilidades de que a persoa condenada se poi
da arrepentir ou sexa inocente.